Таварыства беларускай мовы

-- Навіны ТБМ --

12 кастрычніка 2003 года адбыўся чарговы VIII з'езд Таварыства. На з'ездзе з справадачнымі выступілі дакладамі: -Асноўныя вынікі дзейнасці ТБМ за справаздачны перыяд (май 2001 - кастрычнік 2003 гг.). старшыня ТБМ Алег Трусаў; -"Культурна-асветніцкая дзейнасць ТБМ" першы намеснік старшыні ТБМ Людміла Дзіцевіч; -"Дзейнасць Менскай гарадской арганізацыі і газеты "Новы Час" намесніца старшыні ТБМ Алена Анісім; -"Беларуская мова ў інфармацыйнай прасторы" намеснік старшыні ТБМ Сяргей Кручкоў. З вітальным словам і ў спрэчках выступілі: -Уладзімір Колас - кіраўнік зліквідаванага Нацыянальнага дзяржаўнага гуманітарнага ліцэю; -Вінцук Вячорка - старшыня БНФ "Адраджэнне"; -Вольга Іпатава - беларуская пісьменніца; -Алесь Лозка - старшыня Таварыства беларускай школы; -Пётра Краўчанка - былы амбасадар Беларусі ў Японіі; -і шэраг іншых дэлегатаў. Абраны кіруючыя органы ТБМ - Старшыня ТБМ і яго намеснікі; Рада, Рэвізійная камісія; Падчас правядзення з'езду былі вызначаныя асноўныя накірункі дзейнасці Таварыства на бліжэйшыя два гады. 1. Стварэнне Беларускага нацыянальнага універсітэта; 2. Стварэнне шэрагу камп'ютэрных праграм для пашырэння выкарыстання беларускай мовы ў інфарматыцы. 3. Правядзенне падрыхтоўчых мерапрыемстваў па заснаванні Міжнароднага беларускага спадарожнікавага тэлеканала. З'ездам прыняты шэраг дакументаў: · Заява "Шанаванне роднай мовы - адзін з найбліжэйшых шляхоў да дабрабыту і дэмакратыі"; · Зварот да грамадзян Беларусі; · Рэзалюцыя пра сітуацыю вакол Нацыянальнага ліцэя імя Якуба Коласа; · Зварот у Канстытуцыйны Суд Рэспублікі Беларусь; · Зварот да палітычнага кіраўніцтва краіны.