Прапанова

Сакратарыята Таварыства беларускай мовы імя Францішка Скарыны з нагоды конкурсу на новы беларускі гімн

    Таварыства беларускай мовы падтрымлівае ідэю правядзення конкурсу на новы беларускі гімн. У сувязі з гэтым прапануем у якасці гімна Рэспублікі Беларусь зацвердзіць любімую і папулярную ў народзе песню "Магутны Божа" на словы Наталлі Арсенневай, музыка Міколы Равенскага (тэкст дадаецца).
    Наша прапанова палягае ў тым, што пераважная бальшыня грамадзян Беларусі хрысціяне, і ў нашай краіне існуюць трывалыя хрысціянскія традыцыі. Таму мы ўпэўнены, што "Магутны Божа" будзе спрыяць кансалідацыі людзей ў моцную супольнасць і натхняць іх на штодзённую стваральную працу. Мы лічым, што "Магутны Божа" - найбольш прыдатны варыянт нацыянальнага гімна як па велічнасці і прыгажосці музыкі, так і па глыбокім змесце.