|
Галоўная
17 сакавіка 1990 году пабачыў святло першы нумар газеты ТБМ – “Наша слова”. Спачатку гэта быў штомесячны бюлетэнь-газета, заснаваны першым кіраўніком ТБМ Нілам Гілевічам, а ўжо ў наступным годзе газета стала выходзіць штотыднёва, пачала прадавацца ў шапіках і атрымала права на падпіску праз дзяржаўную сістэму распаўсюду. У складзе рэдакцыі пад кіраўніцтвам вядомага беларускага пісьменніка і журналіста Эрнеста Ялугіна працавала больш дзесяці чалавек. Аб’ём выдання быў ад 8 да 12 старонак, а наклад дасягаў 20 тысяч асобнікаў. Газета мела дзяржаўную фінансавую падтрымку і выходзіла ў Мінску.
Аднак пасля рэферэндума 1995 года і змены дзяржаўнай палітыкі ў галіне падтрымкі беларускай культуры, адукацыі і мовы, дзяржаўнае фінансаванне газеты напрыканцы 1996 года спынілася. Яе існаванне апынулася пад пагрозай і некалькі месяцаў газета не выходзіла. У гэты час вырашаўся лёс і самой арганізацыі ТБМ.
Аднак дзякуючы намаганням новага кіраўніцтва ТБМ, якое ўзначаліў Генадзь Бураўкін, арганізацыя захавалася, і паўстала пытанне аб аднаўленні дзейнасці газеты без аніякай дзяржаўнай падтрымкі на грамадскіх пачатках.
У гэты няпросты час адказнасць за лёс выдання ўзяў на сябе былы афіцэр, падпалкоўнік, шчыры беларускі патрыёт, які паходзіць з Нясвіжскай вясковай шляхты – Станіслаў Суднік. З восені 1997 года і па сённяшні дзень “Наша слова” выходзіць у Лідзе, дзе жыве і працуе яе нязменны кіраўнік і рэдактар. Газета выходзіць толькі на грамадскіх пачатках, не маючы ганарараў і заробкаў для рэдактара і журналістаў, але яна мае свой адметны твар і добра вядомая як у Беларусі, так і за яе межамі,
Падрабязную інфармацыю пра гісторыю “Нашага слова” можна прачытаць у яе юбілейным нумары ад 16 сакавіка гэтага года. Хочацца пажадаць “Нашаму слову” новых чытачоў і асабліва новых сталых падпісчыкаў.
Старшыня ТБМ,
Сябра рэдакцыйнай рады “Нашага слова” Алег Трусаў
|
|
Рашэннем Гомельскага гарадскога выканаўчага камітэта ад 16 снежня 2009 г. №1497 Гомельская гарадская арганізацыя ТБМ атрымала пасведчанне аб дзяржаўнай рэгістрацыі арганізацыйнай структуры грамадскага аб’яднання №03-01412/016. У адпаведнасці з вышэйзгаданым рашэннем Гомельская гарадская арганізацыя ТБМ атрымала правы юрыдычнай асобы. Новым кіраўніком арганізацыі нядаўна абраны студэнт 5-га курса гістарычнага факультэта ГДУ імя Ф. Скарыны Максім Новік (кантактны тэлефон 236-60-75 (МТС).
На сённяшні дзень у спісах сяброў арганізацыі 51 чалавек. Аднак гэта далёка не ўсе сябры ТБМ горада Гомеля. Просім усіх сяброў, якія жывуць ці вучацца ў Гомелі, стаць на ўлік у спадара Новіка і заплаціць сяброўскія складкі за 2009 – 2010 гг.
Сакратарыят ТБМ |
|
|
Аб правядзенні ІІІ Агульнанацыянальнай беларускай дыктоўкі.
Сакратарыят ТБМ у адпаведнасці з планам работы ТБМ на 2010 год, зацверджаным на паседжанні Рады ТБМ 27.01.2010
пастанаўляе:
1. Правесці І этап ІІІ Агульнанацыянальнай дыктоўкі, прысвечанай 20-м угодкам прыняцца Закона “Аб мовах” у Беларусі і з нагоды міжнароднага Дня роднай мовы 21 лютага 2010 у памяшканнях тэатра “Зніч”, размешчаных у цокальным паверсе касцёла св. Сымона і св. Алены на пл. Незалежнасці. Пачатак аб 11-й гадзіне. Адказныя: спадарыня А. Анісім і спадар А. Чэчат.
З нагоды Міжнароднага дня роднай мовы правесці разам з ЗБС “Бацькаўшчына” у межах кампаніі “Будзьма” прэзентацыю незалежных беларускамоўных выданняў у памяшканні тэатра “Зніч” па вышэйзгаданым адрасе. Пачатак а 13-й гадзіне. Адказны спадар Э. Акулін.
2. Правесці ІІ этап ІІІ Агульнанацыянальнай дыктоўкі 15 сакавіка 2010 года у памяшканні сядзібы ТБМ (вул. Румянцава, 13). Пачатак а 18 гадзіне. Адказная спадарыня А. Анісім.
3. Правесці ІІІ этап ІІІ Агульнанацыянальнай дыктоўкі 25 сакавіка 2010 г. у памяшканні сядзібы ТБМ. Пачатак а 18-й гадзіне. Адказная спадарыня А. Анісім.
4. ІІІ Агульнанацыянальная дыктоўка праводзіцца сумесна з ЗБС “Бацькаўшчына” у межах кампаніі “Будзьма”. Тэкст дыктоўкі дадаецца па твору Уладзіміра Караткевіча.
Прадмова да кнігі “Памяць зямлі беларускай”
Я хачу правесці Вас па зямлі, якая для мяне – даражэй за ўсё, самы ўтульны і чароўны кут.
Якая яна, мая зямля? Гэта залатыя палі збажыны з сінімі вочкамі васількоў, светлыя ад бяроз гаі, што аглухлі ад птушынага звону, і пушчы, падобныя на гатычныя храмы, пушчы, дзе горда нясуць свае кароны алені. Гэта бясконцыя жылы рэк, у якіх плешчуцца бабры і рыба на захадзе сонца, і гэта амаль адзінаццаць тысяч азёр, чыстых, як усмешка дзіцяці.
Гэта ў мінулым гераічная і шматпакутная зямля. Безліч разоў, з пачатку дзён, грукаталі па ёй калясніцы вайны. Але мы, дзеці Беларусі, ганарымся тым, што ў гэтых войнах яна ніколі, запамятайце гэта, ніколі не была агрэсарам. Іншая справа, што яна заўсёды мужна і да канца бараніла сваю праўду і веру.
Памяць маёй зямлі аб гэтым і ў старадаўніх гарадзішчах, і ў курганах, пад якімі спяць яе абаронцы, у барвовых, быццам ад крыві, мурах замкаў, на палетках, дзе працавіты плуг часам выворвае каменную сякеру, меч або гільзы часоў апошняй вайны. І, перш за ўсё, памяць маёй зямлі – гэта людзі і іх вечная, неўміручая праца. Таксама якасць нашай памяці: ніколі не аддзяляць сябе ад культуры і самаахвярна ствараць яе, якія б перашкоды ні ўставалі на шляху. Ёсць і горкая памяць у маёй зямлі. Дый як іначай, калі кожны чацвёрты жыхар Беларусі загінуў у апошнюю вайну.
Пранікніцеся любоўю да маёй роднай Беларусі, людзі. Велічная і гордая, яна таго вартая.
(Паводле У.Караткевіча)
|
|
|
Аб правядзенні Рэспубліканскага агляду-конкурсу: “З беларускім словам у жыцці” перыядычнага друку па ўжыванні беларускай мовы
Сакратарыят ТБМ у адпаведнасці з планам работы ТБМ на 2010 год, зацверджаным на паседжанні Рады ТБМ 24.01.2010
пастанаўляе:
1. Абласным Радам ТБМ, а таксама Мінскай гарадской арганізацыі ТБМ правесці на працягу верасня-кастрычніка агляд-конкурс ужывання беларускай мовы мясцовым друкам (абласныя, гарадскія, раённыя газеты, як дзяржаўныя, так і недзяржаўныя выданні).
2. Мэтамі агляду-конкурсу лічыць:
- заахвочанне рэдакцый да паўнавартаснага выкарыстання дзяржаўнай беларускай мовы на старонках газет, папулярызацыя беларускай культуры і гісторыі Беларусі;
- інфармаванне органаў улады, грамадскасці аб стане ўжывання беларускай мовы ў сродках масавай інфармацыі вобласці;
3. Агляд-конкурс правесці па трох катэгорыях:
- абласныя, гарадскія газеты;
- раённыя газеты;
- недзяржаўныя выданні.
4. Пры правядзенні вынікаў агляду-конкурсу ўлічваецца выкарыстанне беларускай мовы пры падрыхтоўцы матэрыялаў супрацоўнікамі рэдакцый, наяўнасць беларускамоўных публікацый творчага характару і літаратурных старонак, культура мовы, выступленні афіцыйных асоб на старонках газет па-беларуску, ужыванне беларускай мовы ў выступах у друку святароў, а таксама беларуская мова ў тэкстах віншаванняў, рэкламы і аб’яў.
5. Да 30 красавіка абласны Рады ТБМ, Мінская гарадская Рада ТБМ, а таксама Баранавіцкая і Брэсцкая гарадскія Рады ТБМ ствараюць абласныя і гарадскія журы для вызначэння пераможцаў.
6. У першай і трэцяй катэгорыях вызначаюцца па два пераможцы, у другой катэгорыі (раённыя газеты) - тры пераможцы.
Вынікі агляду-конкурсу “З беларускім словам у жыцці” падводзяцца да 30 кастрычніка 2010 года. Узнагароджванне намінантаў правесці да 1 снежня 2010 года.
|
|
“Удзел у выбарах можа дапамагчы ў распаўсюдзе беларускай мовы”
Шаноўныя грамадзяне! У 1990 годзе, 20 гадоў таму, быў прыняты Закон “Аб мовах”, а таксама адбыліся першыя дэмакратычныя выбары у Вярхоўны Савет БССР і мясцовыя саветы.
Тады ТБМ здолела вылучыць сотні кандыдатаў у дэпутаты ўсіх узроўняў. З іх у Вярхоўны Савет трапіла 13 дэпутатаў і некалькі сотняў у мясцовыя саветы, асабліва Мінска і некаторых іншых буйных гарадоў Беларусі. Дзякуючы іх намаганням пачаў рэалізоўвацца Закон “Аб мовах”, а першая Канстытуцыя Рэспублікі Беларусь абвесціла беларускую мову адзінай дзяржаўнай мовай у нашай краіне.
У красавіку 2010 г. адбудуцца выбары ў мясцовыя саветы Беларусі. Унесеныя ў выбарчае заканадаўства папраўкі дазваляюць значна лягчэй, чым у мінулыя гады, вылучацца і рэгістравацца кандыдатамі ў дэпутаты. У сувязі з гэтым мы заклікаем прыхільнікаў роднага беларускага слова прыняць самы актыўны удзел у выбарах.
У Вас ёсць унікальная магчымасць зрабіць свае праграмы па-беларуску, змясціць у іх патрабаванні стварэння беларускамоўных школ і класаў у Вашай выбарчай акрузе, аб вяртанні гістарычных назваў нашым вуліцам і плошчам і ушанаванні памяці нашых гістарычных герояў, навукоўцаў і асветнікаў.
Найлепш вылучацца кандыдатамі ў дэпутаты шляхам збору подпісаў, бо тады можна пачаць кантактаваць з выбарцамі па-беларуску значна раней.
У выпадку перамогі, набыўшы дэпутацкія паўнамоцтвы, Вы зможаце чатыры гады адстойваць правы беларускамоўных грамадзян нашай краіны як на сесіях мясцовых саветаў, так і ў штодзённым жыцці.
Дык да працы, сябры!
Сакратарыят ТБМ.
|
|
6 лютага 2010 г. (субота)
у межах кампаніі “Будзьма”
на сядзібе ТБМ (вул. Румянцава, 13)
адбудзецца чарговая прэзентацыя часопіса “Верасень”
ПАЧАТАК У 15.00, УВАХОД ВОЛЬНЫ |
|
Праект
Заявы Сакратарыята ТБМ
“Удзел у выбарах можа дапамагчы ў распаўсюдзе беларускай мовы”
Шаноўныя грамадзяне! У 1990 годзе, 20 гадоў таму, быў прыняты Закон “Аб мовах”, а таксама адбыліся першыя дэмакратычныя выбары у Вярхоўны Савет БССР і мясцовыя саветы.
Тады ТБМ здолела вылучыць сотні кандыдатаў у дэпутаты ўсіх узроўняў. З іх у Вярхоўны Савет трапіла 13 дэпутатаў і некалькі сотняў у мясцовыя саветы, асабліва Мінска і некаторых іншых буйных гарадоў Беларусі. Дзякуючы іх намаганням пачаў рэалізоўвацца Закон “Аб мовах”, а першая Канстытуцыя Рэспублікі Беларусь абвесціла беларускую мову адзінай дзяржаўнай мовай у нашай краіне.
У красавіку 2010 г. адбудуцца выбары ў мясцовыя саветы Беларусі. Унесеныя ў выбарчае заканадаўства папраўкі дазваляюць значна лягчэй, чым у мінулыя гады вылучацца і рэгістравацца кандыдатамі ў дэпутаты. У сувязі з гэтым мы заклікаем усіх прыхільнікаў роднага беларускага слова прыняць самы актыўны удзел у выбарах.
У Вас ёсць унікальная магчымасць зрабіць свае праграмы толькі па-беларуску, змясціць у іх патрабаванні стварэння беларускамоўных школ і класаў у Вашай выбарчай акрузе, патрабаванні вяртання гістарычных назваў нашым вуліцам і плошчам, ушанавання памяці нашых гістарычных герояў, навукоўцаў і асветнікаў.
Найлепш вылучацца кандыдатамі ў дэпутаты шляхам збору подпісаў, бо тады можна пачаць кантактаваць з выбарцамі па-беларуску значна раней.
У выпадку перамогі, набыўшы дэпутацкія паўнамоцтвы, Вы зможаце чатыры гады адстойваць правы беларускамоўных грамадзян нашай краіны як на сесіях мясцовых саветаў, так і ў штодзённым жыцці.
Дык за справу, сябры! |
|
26 студзеня 1990 года Вярхоўны савет БССР ХІ склікання прыняў “Закон аб мовах” у БССР, які павінен быў спыніць татальную русіфікацыю Беларусі. Ён стаў юрыдычнай базай для пашырэння беларускай мовы ва ўсіх сферах жыцця краіны. З 1990 па 1995 год беларускамоўных выданняў было надрукавана больш, чым за папярэднія чатыры стагоддзі. У сярэдніх школах у 1994-1995 гадах навучалася па-беларуску ўжо больш за 75% вучняў. 15 сакавіка 1994 года першая Канстытуцыя Беларусі абвесціла беларускую мову адзінай дзяржаўнай мовай нашай краіны.
Сітуацыя рэзка змянілася пасля рэферэндума 1995 года. Замест таго, каб сапраўды стварыць умовы для раўнапраўнага ўжывання беларускай і рускай моў, улада ў 1998 годзе ўнесла ў “Закон аб мовах” такія праўкі, якія практычна скасавалі вынікі рэферэндума і дазволілі распачаць татальную русіфікацыю, асабліва ў сферах адукацыі і дзяржаўнага кіравання.
У сувязі з гэтым Рада ТБМ звяртаецца да кіраўніцтва краіны з патрабаваннем адмяніць папраўкі, унесеныя ў “Закон аб мовах” у 1998 годзе.
Рада ТБМ прапануе выдаць Указ Прэзідэнта Рэспублікі Беларусь “Аб пашырэнні сферы ўжывання дзяржаўнай беларускай мовы”, у якім варта прадугледзець наступныя мерапрыемствы:
1. Павялічыць колькасць гадзін беларускай мовы і літаратуры ў школах і дзіцячых дашкольных установах.
2. Аднавіць у ВНУ курс “Беларусазнаўства” на беларускай мове.
3. Вярнуць ва ўсе школы краіны выкладанне гісторыі і геаграфіі Беларусі па-беларуску.
4. Адкрыць да 1 верасня 2010 г. у кожным абласным і раённым цэнтры Беларусі па адной беларускамоўнай школе ці гімназіі.
5. Зрабіць даплаты ў памеры 20% заробку выкладчыкам ВНУ і сярэдніх спецыяльных навучальных устаноў краіны, якія выкладаюць свае прадметы па-беларуску.
6. Зрабіць абавязковым школьны экзамен па беларускай літаратуры.
|
|
26 студзеня 1990 года Вярхоўны савет БССР ХІ склікання прыняў “Закон аб мовах” у БССР, які павінен быў спыніць татальную русіфікацыю Беларусі. Ён стаў юрыдычнай базай для пашырэння беларускай мовы ва ўсіх сферах жыцця краіны. З 1990 па 1995 год беларускамоўных выданняў было надрукавана больш, чым за папярэднія чатыры стагоддзі. У сярэдніх школах у 1994-1995 гадах навучалася па-беларуску ўжо больш за 75% вучняў. 15 сакавіка 1994 года першая Канстытуцыя Беларусі абвесціла беларускую мову адзінай дзяржаўнай мовай нашай краіны.
Сітуацыя рэзка змянілася пасля рэферэндума 1995 года. Замест таго, каб сапраўды ўраўняць статус беларускай мовы са статусам рускай, улада ў 1998 годзе ўнесла ў “Закон аб мовах” такія праўкі, якія практычна скасавалі вынікі рэферэндума і дазволілі распачаць татальную русіфікацыю, асабліва ў сферах адукацыі і дзяржаўнага кіравання.
У сувязі з гэтым Рада ТБМ звяртаецца да кіраўніцтва краіны з патрабаваннем адмяніць папраўкі, унесеныя ў “Закон аб мовах” у 1998 годзе.
Рада ТБМ прапануе выдаць Указ Прэзідэнта Рэспублікі Беларусь “Аб пашырэнні сферы ўжывання дзяржаўнай беларускай мовы”, у якім варта прадугледзець наступныя мерапрыемствы:
1. Павялічыць колькасць гадзін беларускай мовы і літаратуры ў школах.
2. Аднавіць у ВНУ курс “Беларусазнаўства” на беларускай мове.
3. Вярнуць ва ўсе школы краіны выкладанне курсаў гісторыі і геаграфіі Беларусі па-беларуску.
4. Адкрыць да 1 верасня 2010 г. у кожным абласным і раённым цэнтры Беларусі па адной беларускамоўнай школе ці гімназіі (асабліва ў Гродне і Магілёве).
5. Зрабіць даплаты ў памеры 20% заробку выкладчыкам ВНУ, якія выкладаюць свае прадметы па-беларуску.
6. Зрабіць абавязковым школьны экзамен па беларускай літаратуры. |
|
|
Месца правядзення зала тэатра “Зніч”, размешчанай у цокальным паверсе касцёла св. Сымона і св. Алены.
Рэгістрацыя ўдзельнікаў канферэнцыі з 10.00 да 10.30
1. 10.30─12.30 Пленарнае паседжанне.
(Даклады, якія закранаюць стан беларускай мовы ў розных сферах грамадзянскага жыцця краіны)
1.1 10.30 Адкрыццё канферэнцыі А. Трусаў
1.2 10.35-10.50 Курцова В.М., кандыдат філалагічных навук “Сучаснае беларускае маўленне”.
1.3 10.50-11.05 Трусаў А.А. кандыдат гістарычных навук ”Далейшае існаванне беларускай мовы залежыць ад нашай моладзі”
1.4 11.05-11.20 Завальнюк А. кандыдат гістарычных навук “Ужыванне роднай мовы ў касцёле”
1.5 11.20-11.35 Сачанка С.Б. “Пашырэнне беларускай мовы ў рэлігійным жыцці”(на прыкладзе М. Сяднёва)
1.5 11.35-11.50 Капылоў І.Л. кандыдат філалагічных навук Анісім А.М. “Назвы чыгуначных станцый Беларусі: да праблемы іх перайменавання”.
1.6 11.50-12.05 Вячорка В. “Заканадаўчыя гарантыі абароны беларускай мовы як нематэрыяльнай культурнай каштоўнасці”
1.7 12.05-12.20 Л.Баршчэўскі кандыдат філалагічных навук “Беларуская мова і СМІ ў Беларусі”.
1.8 12.20-12.30 Спрэчкі па дакладах. (Дыскусія і спрэчкі па прачытаных дакладах).
2. 12.30─14.00 перапынак.
3. 14.00─16.00 Працяг пленарнага паседжання
(Беларуская мова і яе стан у рэгіёнах Беларусі)
3.1 14.00-14.15 Сырыца В. “Беларуская мова ў Баранавіцкім раёне”
3.2 14.15-14.30 Суднік С. “Функцыянаванне беларускай мовы на Лідчыне”
3.3 14.30-14.45 Чэчат А.В. Беларуская мова ў Фрузенскім раёне сталіцы.
3.4 14.45-15.00 Каратчанка І.В. “Моўныя асаблівасці, быт і культура вясковых жыхароў Руднянскага раёна Смаленскай вобласці(па матэрыялах даследаванняў фальклору і этнаграфіі 90-х гадоў мінулага стагоддзя)
3.5. 15.00 – 15.15 Маслюкоў Т. “Дзейнасць Светлагорскай арганізацыі ТБМ па пашырэнні беларускай мовы ў рэгіёне”.
3.6. 15.15 – 15.30 Шчэрбік “Дзейнасць суполкі “Рубон” з горада Наваполацка па пашырэнні беларускай мовы.
4. 16.00─16.30 Дыскусія і спрэчкі па прачытаных дакладах.
5. 16.30─16.45 Прыняцце выніковых дакументаў канферэнцыі.
6. 17.00 закрыццё канферэнцыі.
|
|
Рэгістрацыя сяброў Рады з 12 да 12.30
Месца правядзення Рады зала тэатра “Зніч”, размешчанай у цокальным паверсе касцёла св. Сымона і св. Алены.
1. 12.30─12.45 Справаздача старшыні ТБМ аб працы арганізацыі ў 2009 годзе.
2. 12.45─13.00 Абмеркаванне і зацвярджэнне плана работы ТБМ на 2010 год.
3. 13.00─13.10 Аб зменах у складзе сакратарыята ТБМ.
4. 13.10─13.30 Прыняцце звароту да кіраўніка Рэспублікі Беларусь з нагоды 20-х угодкаў прыняцця “Закона аб мовах у БССР”. |
|
24 студзеня 2009 года ГА “Таварыства беларускай мовы імя Ф. Скарыны” у межах праекта “Дыялог” ладзіць Рэспубліканскую навукова-практычную канферэнцыю “Сучасны стан беларускай мовы і далейшая дзейнасць грамадскіх арганізацый па яго паляпшэнні”. Тэмы для абмеркавання:
1. Сучаснае беларускае маўленне.
2. Моладзь і мова.
3. Беларуская мова ў духоўным жыцці.
4. Роля СМІ ў пашырэнні сферы ўжывання беларускай мовы.
5. Беларуская тапанімія: стан і перспектывы.
6. Стан беларускай мовы ў рэгіёнах.
Да ўдзелу запрашаюцца ўсе зацікаўленыя асобы.
Матэрыялы ў электронным выглядзе, аб’ёмам да 7 старонак дасылаць на адрас:
Гэты e-mail абаронены ад спам-ботаў. Для яго прагляду ў вашым браўзэры павінна быць уключаная падтрымка Java-script
да 12 студзеня 2010 года з пазнакай на канферэнцыю.
Па выніках канферэнцыі будзе выдадзены зборнік. Аргкамітэт пакідае за сабой права адбору матэрыялаў для публікацыі.
Інфармацыя пра час і месца правядзення канферэнцыі з’явіцца пазней. |
|
20 снежня ў сядзібе ТБМ адбылася сустрэча зацікаўленай моладзі з намеснікам старшыні ТБМ Аленай Анісім.
На імпрэзу прыехалі маладзёвыя актывісты з розных рэгіёнаў Беларусі: з Гарадзеншчыны, Віцебшчыны, Гомельшчыны, з Магілёва, а таксама студэнты менскіх ВНУ.
Пад час сустрэчы былі абмеркаваны пытанні эфектыўнасці розных формаў працы па пашырэнні ўжывання беларускай мовы ў моладзевым асяродку і ў грамадстве ў цэлым. У сваіх выступах моладзь выявіла шчырую заклапочанасць сучасным станам мовы і гарачае жаданне змяніць яго да лепшага. Былі прапанаваныя наступныя формы дзейнасці: арганізацыя правядзенне “Што, дзе, калі?” па-беларуску; распрацоўка віктарыны, звязанай з гісторыяй ТБМ і іншае.
Пад час абмеркавання моладзь прыйшла да высновы аб неабходнасці стварэння пляцоўкі для камунікацыі ў сеціве. З гэтай мэтай быў абраны каардынатар далейшай дзейнасці моладзі ТБМ. Ім стаў Кірыл Сыцько з Ліды.
Напрыканцы імпрэзы выступіла спявачка Таццяна Беланогая. |
|
Сустрэча з Эдуардам Акуліным
23 снежня
г. Фаніпаль, гімназія.
Пачатак: 13.00. |
|
04 СНЕЖНЯ (ПЯТНІЦА) 2009 г.
У межах кампаніі “Будзьма”
АДБУДЗЕЦЦА СУСТРЭЧА З ПІСЬМЕННІКАМ
ЭДУАРДАМ АКУЛІНЫМ
НА ТЭМУ:
"СУЧАСНАЯ БЕЛАРУСКАЯ ПАЭЗІЯ”
ПАЧАТАК У 13.00, УВАХОД ВОЛЬНЫ
АДРАС: Бароўская сярэдняя школа, вёска Баравое, Дзяржынскі раён, Менская вобласць |
|
27 лістапада “Народная воля” надрукавала стэнаграму “Інтэрв’ю Прэзідэнта Расійскай Федэрацыі Д.А. Мядзведзева – беларускім сродкам масавай інфармацыі”. У сувязі з гэтым, трэба сказаць вялікі дзякуй Іосіфу Сярэдзічу, які даслоўна перадаў ўсе асаблівасці адказаў расійскага прэзідэнта на пытанні беларускіх журналістаў. На маю думку, нашы журналісты асабліва з недзяржаўных СМІ, прыехалі на гэтую сустрэчу з нецікавымі і неканкрэтнымі пытаннямі і таму Мядзведзеў адказаў на іх лёгка і з перавагай для сябе.
Дарэчы, пытанне журналістаў з дзяржаўных СМІ былі больш канкрэтнымі і актуальнымі. Так, спадар Тухто (БТ-1) спыніўся на назве нашай краіны і атрымаў станоўчы адказ на гэта ад сп. Мядзведзева, які сказаў наступнае: ”я настойваю менавіта на такім (Беларусь – А.Т.) вымаўленні назвы нашай братняй дзяржавы, гэта сапраўды самастойная дзяржава, сувярэнная дзяржава, з усімі атрыбутамі самастойнай дзяржавы”. Таму мы павінны патрабаваць ад усіх рускамоўных СМІ, і ў першую чаргу, ад мясцовых, каб з іх старонак знікла і адышла ў гісторыю каланіяльная назва нашай краіны “Беларуссия”, слова ўведзенае ў афіцыйны ўжытак Кацярынай ІІ у канцы ХVІІІ ст.
Вельмі добрае пытанне задаў і карэспандэнт “Звязды” сп. Сланеўскі, наконт прапановы Пуціна Беларусі далучыцца да Расіі шасцю абласцямі.
Спачатку Мядзведзеў ануліраваў гэта запрашэнне, а потым пачаў намякаць на народнае галасаванне, выказванне думкі народа, а затым сказаў аб перспектывах магчымага далучэння, якія хаваюцца ў Саюзнай дзяржаве.
Такім чынам, пакуль ёсць Саюзная дзяржава, якую так любяць Мядзведзеў і Пуцін, перспектыва аншлюсу Беларусі Расіяй застаецца і пра гэта нам нельга ніколі забываць.
Вельмі шкада, што нашы журналісты, асабліва беларускамоўных выданняў, ніяк не праявілі сваю беларускасць на маскоўскім прыёме. Яны гаварылі толькі па-расейску, не задалі ніводнага пытання пра вяртанне нашых каштоўнасцей з Расіі, пра гаротны стан шматлікай беларускай дыяспары ў Расеі, якая не мае там школ і СМІ на роднай беларускай мове, пра залічэнне Васіля Быкава ў склад “рускіх пісьменнікаў” і г.д.
Чаму б ім не спытаць у Мядзведзева, чаму ў “Саюзнай дзяржаве” няма месца беларускай мове, бо мова гэтага ўтварэння толькі руская? Чаму ў Расіі працягваецца асіміляцыя шматлікіх народаў і некаторыя з іх амаль зніклі? Чаму Расія ўпарта змагаецца за наданне рускай мовы статута дзяржаўнай на Украіне і падтрымлівае сепаратыстаў у самаабвешчанай Прыднястроўскай Рэспублікі?
Мядзведзеў гэта вельмі добра адчуваў і таму сказаў цікавую рэч, якую да канца не зразумелі нашы журналісты. Цытую на мове арыгінала: “ при всей близости наших экономик, особых отношений между людьми, с учетом того, что мы с Вами говорим сейчас на одном языке…» «….все-таки Беларусь – это Беларусь, а Россия – это Россия». Таму нам трэба размаўляць з Мядзведзевым і іншымі кіраўнікамі суседніх дзяржаў на нашай роднай мове і толькі тады яны нас будуць паважаць і з намі лічыцца.
Алег Трусаў |
|
1 снежня 2009 года
на сядзібе ТБМ імя Ф. Скарыны
адбудзецца сустрэча з дырэктарам
Інстытута мовы і літаратуры А. А. Лукашанцам
на тэму:
“Змены ў правапісе”.
Час сустрэчы - 19.00
Уваход вольны.
|
|
17 лістапада ў межах праекта "Дыялог"
у сядзібе ТБМ (вул. Румянцава, 13) адбудзецца
сустрэча з вядомым навукоўцам Вячаславам Раковічам
на тэму
"З гісторыі беларускага краязнаўства. Па мясцінах Адама Міцкевіча".
Пачатак 19.00. |
|
на сустрэчу з намеснікам старшыні ТБМ Аленай Анісім
“Дзейнасць Таварыства ў юбілейны год: здзейсненае і задуманае”
13 лістапада (пятніца) 2009 г.
ПАЧАТАК У 18.00, УВАХОД ВОЛЬНЫ
АДРАС: вул. Румянцава, 13
Сустрэча праводзіцца ў межах кампаніі “Будзьма беларусамі”. |
|
|
26 кастрычніка 2009 (панядзелак) адбудзецца прэзентацыя кнігі гісторыка Алега Трусава “Невядомая нам краіна. Беларусь у яе этнаграфічных межах" ПАЧАТАК У 18.00, УВАХОД ВОЛЬНЫ АДРАС: вул. Румянцава, 13 |
|
Зварот да Кіраўніка беларускай дзяржавы з прапановай уключыць на разгляд парламента змены ў Закон аб мовах
Паважаны Аляксандр Рыгоравіч!
У сувязі з нездавальняючым станам заканадаўства ў галіне моў прапануем Вам уключыць у парадак працы парламента ў гэтым годзе разгляд зменаў у “Закон аб мовах”.
Па просьбе Цэнтра па заканадаўчай дзейнасці Таварыства беларускай мовы даслала свае прапановы па гэтым пытанні. Спадзяёмся, што яны будуць улічаны пры абмеркаванні і заканадаўчым зацвярджэнні новых зменаў.
Прынята Рэспубліканскай Радай ТБМ 01.10.09 г.
Зварот да Кіраўніка беларускай дзяржавы пра абвяшчэнне 2010 года Годам роднай мовы
Паважаны Аляксандр Рыгоравіч!
Грамадскасць нашай краіны з ухвалай сустрэла вестку пра абвяшчэнне 2009 года Годам роднай зямлі. Аднак неаднаразова ўжо гучалі словы пра тое, што родная зямля без роднай мовы – гэта пустыня без гаючай вады. І на самай справе, нельга ўявіць сучасную заможную Беларусь без мовы продкаў.
Сябры Грамадскага аб’яднання “Таварыства беларускай мовы імя Францішка Скарыны” звяртаюцца да Вас з прапановай абвясціць 2010 год Годам беларускай мовы ў нашай краіне . Тым самым мы падтрымліваем рашэнне Згуртавання беларусаў свету “Бацькаўшчына”, якое прагучала на з’ездзе. Мы лічым, што такое рашэнне прадэманструе ўсім паважлівае стаўленне кіраўніцтва краіны да сваёй гісторыі і культуры і паспрыяе кансалідацыі нашага грамадства ў эпоху пераўтварэнняў.
Прынята Рэспубліканскай Радай ТБМ 01.10.09 г.
Зварот да грамадзян Беларусі з нагоды Перапісу насельніцтва
Шаноўнае спадарства!
У кастрычніку 2009 года ў нашай краіне пройдзе чарговы Перапіс насельніцтва. Адным з пытанняў будзе пытанне пра вызначэнне Вашай роднай мовы.
Гэтым разам арганізатары Перапісу бяруцца тлумачыць, што такое “родная мова”, называючы ёй “мову, засвоеную першай у раннім дзяцінстве”. Гэта толькі адно з існуючых азначэнняў “роднай мовы”, але не абавязковае. Нярэдка людзі называюць “роднай” мову нацыі, мову свайго народа.
Запаўняючы перапісныя лісты, Вы маеце магчымасць самастойна вызначаць Вашу родную мову. Указанне падчас перапісу беларускай мовы ў якасці роднай – гэта адзін з відаў яе падтрымкі. Такая падтрымка ёй цяпер вельмі патрэбна. Выкарыстайце магчымасць падтрымаць мову, якая зрабіла нас самабытнымі ў свеце.
Дзесяць гадоў таму грамадзяне Рэспублікі Беларусь перад усім светам зазначылі: беларусы ведаюць і паважаюць дзяржаўную беларускую мову. Пацвердзім вернасць сваім продкам у Год роднай зямлі!
У будучыню маем ісці з беларускай мовай!
Прынята Рэспубліканскай Радай ТБМ 01.10.09 г.
|
|
Сакратарыят ТБМ вітае ініцыятыву ўладаў Магілёўшчыны, каб наступны 2010 год абвесціць Годам роднай мовы. ТБМ заклікае уладныя структуры г. Менска і абласное кіраўніцтва Гродзенскай, Віцебскай, Мінскай, Брэсцкай і Віцебскай абласцей падтрымаць гэты чын.
Мы прапануем уключыць у комплекс мерапрыемстваў па прапагандзе беларускай мовы адкрыццё з 2010 г. беларускамоўнай гімназіі ў гістарычным цэнтры Магілёва і надаць ёй імя Максіма Гарэцкага.
Прынята на пасяджэнні Сакратарыята ТБМ 27 жніўня 2009 г. |
|
Шаноўнае спадарства!
У кастрычніку 2009 года ў нашай краіне пройдзе чарговы Перапіс насельніцтва. Адным з пытанняў будзе пытанне пра ўжыванне роднай мовы. Мы звяртаемся да Вас з просьбай пацвердзіць сваё паважлівае стаўленне да старажытнай мовы нашых продкаў і выявіць жаданне карыстацца дзяржаўнай беларускай мовай штодзённа: на працы, у побыце, падчас кантактаў з дзяржаўнымі служачымі і інш.
Дзесяць гадоў таму грамадзяне Рэспублікі Беларусь перад усім светам зазначылі: беларусы ведаюць, паважаюць дзяржаўную беларускую мову і карыстаюцца ёю.
Будзем жа вернымі і мужнымі і на гэты раз, не здрадзім свайму народу ў Год роднай зямлі!
Прынята на пасяджэнні Сакратарыята ТБМ 27 жніўня 2009 г. |
|
Паважаны Аляксандр Рыгоравіч!
У сувязі з тым, што з верасня 2010 года пачне дзейнічаць Закон аб новым правапісе беларускай мовы, просім Вас уключыць у парадак працы парламента разгляд прапаноў па зменах у “Закон аб мовах”.
Свае прапановы, якія ўзніклі падчас нашай практычнай дзейнасці па падвышэнні прэстыжу беларускай мовы, па просьбе Цэнтра законатворчай дзейнасці мы даслалі і прасілі б іх улічыць пры абмеркаванні і заканадаўчым зацвярджэнні новых зменаў.
Прынята на пасяджэнні Сакратарыята ТБМ 27 жніўня 2009 г.
|
|
Паважаны Аляксандр Рыгоравіч!
Грамадскасць нашай краіны з ухвалай сустрэла вестку пра абвяшчэнне 2009 года Годам роднай зямлі. Аднак неаднаразова ўжо гучалі словы пра тое, што родная зямля без роднай мовы – гэта пустыня без гаючай вады.І на самай справе, нельга ўявіць сучасную заможную Беларусь без мовы продкаў.
Сябры Грамадскага аб’яднання “ТБМ імя Ф.Скарыны” звяртаюцца да Вас з прапановай абвясціць 2010 год Годам беларускай мовы ў нашай краіне.Тым самым мы падтрымліваем рашэнне беларусаў свету, якое прагучала на з’ездзе. Мы лічым, што такое рашэнне прадэманструе ўсім паважлівае стаўленне кіраўніцтва краіны да сваёй гісторыі і культуры і паспрыяе кансалідацыі нашага грамадства ў эпоху пераўтварэнняў.
Прынята на пасяджэнні Сакратарыята ТБМ 27 жніўня 2009 г. |
|
|
Паважанае спадарства, сталую працу шукае Намеснік старшыні ТБМ Дзяніс Тушынскі. Адукацыя: Мінскі дзяржаўны лінгвістычны ўніверсітэт, факультэт англійскай мовы. Дадатковыя мовы: нямецкая, шведская. Магістр псіхалагічных навук, аспірантура па псіхалогіі БДПУ імя М. Танка. Выкладчык псіхалогіі. Вопыт працы перакладчыкам. Стаж перакладчыцкай працы 5 год, стаж выкладчыка - 6 год (без ВНУ). Кантакт:
Гэты e-mail абаронены ад спам-ботаў. Для яго прагляду ў вашым браўзэры павінна быць уключаная падтрымка Java-script
Разгледжу любыя варыянты, не абавязкова па спецыяльнасці. Дзякуй за ўвагу. |
|
| << [Першая] < [Папярэдняя] 1 2 3 4 [Наступная] > [Апошняя] >>
| | Вынікі 1 - 26 з 84 |
|
